Shillong, Iaiong 14 : Ka eriong bad u phria uba jur bha, ki la lynshop mynta Lah Sngi U Blei ha West Jaintia Hills bad haduh 6 tylli ki Shnong bad palat 260 ngut ki nongshong shnong ki la shah ktah.
Kine ki shnong kiba shah ktah ki kynthup ïa ka Barato, Latymphu, Maitdein, Iongkynshur, Thangrain bad Bhain, kiba hap hapoh ka Laskein C&RD Block.
Kat kum ka kaiphod na u Block Development Officer (BDO) ka Laskein Block, Dr FR Shadap la ïathuh ba haduh 40 tylli ki ïing kila julor ha kane ka jinglynshop u phria bad ka eriong ha kine ki shnong ba shah ktah bad haduh 20 ngut ki briew la hap ban pynkynriah noh sha kiwei pat ki ïing jong ki marjan marjan bad bahaïing hasem.
La ïathuh ba kawei ka skul ha Thangrain kala julor ha kane ka jinglynshop ki bor ka mariang.
La ïoh khubor ba ka Ophis jong ka Block ka dang lum jingkheiñ ïa ki jingjulor baroh kynthup ïa ki jingthung jingtep bad kiwei kiwei.
