Lum u General Observer ïa ki Party ban ïaid beit ka elekshon

0

Nongstoiñ, Rymphang 13: U General Observer u Bhupendra S Chaudhary IAS, u ba dei peit ïa ka West Khasi Hills District na ka bynta ka jingjied ïa ki nongmihkhmat sha ka ïing dorbar thaw aiñ ka ban long ha ka 27 tarik mynta u bnai Rymphang 2023, u la pynlong ïa ka jingïakynduh lang ïa baroh ki Political Party kiba hap hapoh ki 3 tylli ki constituency jong ka District mynta ka sngi ka 13 tarik u Rymphang 2023 ha Conference hall D.C office.
Ha kane ka jingïakynduh lang la ïadonlang da u District Election Officer u Bah Garod LSN Dykes IAS, ki RO, ERO, AERO, ADC In charge Election nalor kiwei kiwei pat. U General Observer ha kane ka jingïakynduh bad ki Political Party u la ïatai sani bha ha kaba ïadei bad ka jingpyndonkam ïa ki EVM, VVPAT, khnang ban pynïaid beit ïaid ryntih ha ka jingjied ïa ki nongmihkhmat sha ka ïing dorbar thaw aiñ, ba kan long kaba ïaid beit ïaid ryntih bad kaba jop.
U la kyntu ïa baroh kiba ïadon bynta ha ka jingpynïaid ïa kane ka Election ban trei shitom bad ban aiti met bad mynsiem, khnang ba ka jingjied ïa ki nongmihkhmat kan ïaid beit ïaid ryntih bad ban ym don kino kino ki jingpynthud.
Ha kajuh ka por, na ka liang u District Election Officer (DEO) jong ka West Khasi Hills bah Garod LSN Dykes, haba pyntip paidbah ba u Bhupendra S Chaudhary IAS, Election General Observer jong ka West Khasi Hills District u la poi bad don mynta ha Nongstoiñ.
Kumta kino kino kiba don jingujor ïa ki kam beaiñ ha kaba ïa dei bad ka election, ki lah ban phone ha une u Number 9233271285 lane ïa kynduh markhmat bad u naduh ka por 5 haduh ka 6 baje janmiet manla ka sngi ha Sibsingh Inspection Bungalow PWD (Road), Nongstoiñ.

Leave A Reply

Your email address will not be published.