Nongpoh, Nailur 11: Hadien shi taiew ba ka Netwrok jong ka Jio Company ka la thud ha ka thaiñ Nongpoh bad ha kylleng ki shnong ba hap ha kane ka Headquarter jong ka District bad mynta ka sngi kane ka Network jong kane ka Company ka la treikam biang ha kaba kiba bun ki la ioh ban pyndonkam ban phone.
Kum ban pynkynmaw, kane ka Netwero jong ka Jio Company ka la thud naduh ka 4 tarik u Nailur 2023 ha kaba kiba bun ki paidbah ki la syllang bad kynduh jingeh ba kam treikam ka Netwrok bad kumba paw pyrthei ki paidbah kim tip ïa ka daw ka jingthud kane ka Network ha kaba bun ki la bitar bad kynnoh ba ka Company kam shim khia satia.
Dei haduh ba la dap 1 taiew tam ba kane ka network ka la treikam bad haba phai pat sha ki paidbah ki la bitar bad don ruh naki kiba la pynkylla noh ïa ka Simcard sha kiwei ki Company ba don network ha kane ka thaiñ Nongpoh.
Kiba bun ki paidbah ruh ki sngewlyngngoh ba ka Company kam shym la shim khia ban pynbiang ïa ka Network bad ka Company ruh kam shym la pynshai sha ki paidbah halor ka daw bad dei namar kane ka daw ki paidbah ki la duh jingkyrmen bad bun na ki paidbah ki la pynkylla noh ïa ka Simcard sha kiwei ki Company.
Lah ban ong ruh ha ka thaiñ Nongpoh kiba bun hi na ki paidbah ki dei kiba pyndonkam ïa ka Network jong ka Jio Company namar ha ki snem ba la leit noh ki ioh ïa ka network kaba biang tam la ka long na ka bynta ban phone ne ban pyndonkam ïa ki Mobile internet bad kane ka jingduh kynsan ka Network ka la pynbitar ïa kiba bun ba lang namar ka Company kam shymm la pynshai sha ki paidbah halor ka daw ka jingduh jong ka Network.
Shuh shuh, dei haduh mynta ka sngi ha ka janmiet ba ka Netork ka la treikam biang ha Nongpoh bad ka la pynkmen ruh ïa kiba bun ki paidbah ba pyndonkam ïa ka Network bad la jin ba ka Company kam shim khia kiba bun ki paidbah ki la khñium bad ki la thmu ban pyndonkam noh da kiwei ki Network jong ki Company namar ha kane ka juk ba mynta ka network ka long kaba donkam tam ha ki paidbah ha baroh ki kam ki jam kiba dei katkum ka juk stad ba mynta.
