Leit jngoh u Parshottam Rupala ia ki Skhim jong ka sorkar Pdeng ha Ampati
Yn aiti ia ki mobile van unit na ka bynta ki jaka nongkyndong
Ampati, Kyllalygkot 9: U Myntri Sorkar Pdeng ba dei khmih ia ka tnat Fisheries, Animal Husbandry & Dairying, u ParshottamRupala mynta ka sngi u la pyniaid ia ka jingialang ban peit ia ka jingpyntreikam ia ki skhim jong ka Sorkar Pdeng ha Ampati, South West Garo Hills, Meghalaya.
Ha kane ka jingialang, u Myntri Sorkar Pdeng u la ban jur halor ka jinglong jingman jong ki skhim ba pyntreikam da ki tnat Animal Husbandry & Veterinary, Fisheries bad Border Areas Development ha ka distrik. U la ban jur ruh halor ki jingeh hakhmat ki tnat ha ki jaka khappud. Lah ban shu kdew hangne ba ka South West Garo Hills distrik ka don 38 km ki jaka khappud bad ka ri Bangladesh.
U Myntri Sorkar Pdeng u ban don ha ka distrik ar sngi u la ong ba ka thong jong ka jingwan jong u ka dei ban pynbeitia ki jingeh jong ki nongrep bad ki tnat Sorkar. U Rupala u la ong ba ki mobile van unit kiba un sa aiti sha ka distrik ha Mahendraganj, ki dei kiba kyrpang na ka bynta ki jaka nongkyndong ban pynbeit ia ki jingeh kiba mih namar ka jingduna ki veterinary hospital ha ka distrik.
tnat Animal Husbandry & Veterinary ka la pynsngew ia ka jingdonkam ia ka Veterinary Hospital, livestock farm, khamtam ka farm ri khunsniang bad ki jaka riehtngen jong ki mrad ba ka BSF ka la ioh kurup na ki nongshalantuh ia ki masi.
Ha kane ka juh ka sngi, u Myntri u la sangehshipor ha Ganol Dairy Plant hajan Tura ha West Garo Hills bad u la leit peit ia ka jingshna ia ka Dairy Plant kaba thymmai kaba lah ban pynmih dud haduh 10,000 litre. Lah ban kdew hangne ba ka jinglah pynmih dud ka Dairy Plant mynta ka long 8000 litre ha ryngkat kiwei kiwei ki bam ba shna da ka dud.
U Rupalaunleit sha kylleng ka distrik ban iakren bad ki Self Help Group bad ruh ki kynhun nongrep bad ki bor pyniaid shnong. Unleit peit ia ki shnong ha ki jaka khappud bad ruh ia kajingkersainar ia ki jaka khappud. Unleit ruh ban peit ia ka Kalaichar Border Haat, ki Border outpost bad ki Anganwadi centre haba u leit sha Mahendraganj ha ka 10 tarik u Kyllalyngkot, 2023.