Leit hi ki MDC ka UDP sha Delhi hapoh ka jingïalam u Nongïalam Liang Pyrshah

0

Shillong, Risaw 3 : Ki MDC jongka UDP hapoh ka jingïalam jong u Nongïalam Liang Pyrshah bad CEM ba rim u bah Tituswell Chyne ki leit hi sha nongbah Delhi na ka bynta leit ai ka jingkyrshan ba pura ïa ka Khasi Authors Society (KAS) ha ka jingïakhih shong kyllaiñ myngngor ha nongbah Delhi kum ka dak ban pyni sha ka sorkar India ïa ka jingdawa ban ithuh bad pynrung noh ïa ka ktien Khasi ha ka Khyrnit ba Phra jongka Riti Synshar ka ri.
Haba ïakren bad u nongthoh khubor u bah Titus u la ong “ Ngi la leit hi sha nongbah Delhi ym dei hapoh ka jingïalam jong u Chairman ka KHADC hynrei nga ïalam ma nga ïa ki MDC ka UDP da ka jingtip lang jong ki nongïalam ka Party. Ha kane ka jingleit ïashim bynta nga la ai ruh ka jingkren kum u nongïalam ka UDP ban ai ka jingkyrshan ba pura ïa ka KAS namar kum ka party ruh ngi kwah ba ka Ktien Khasi ka dei ban ïoh jingithuh bad pynrung noh ïa ka ha ka Khyrnit kaba Phra”.
“ Kumta ngi kwah ban pynshai ba ngi khlem leit bad ka kynhun ba la ïalam da u Chairman ka KHADC hynrei ngi leit hi kum ki MDC jongka UDP” ong u bah Titos.

Leave A Reply

Your email address will not be published.