Leit ai jingïarap ka KSU da u Mawblok bad Dewbilat sha ka longïing pluh ïing ha Moodymmai

Jowai, K’Lyngkot 25: Ka Khasi Students’ Union Jowai Circle, mynta ka sngi 25 tarik ka la leit ban noh synñiang da u Mawblok bad ka Dewbilat sha kawei ka longïing kaba ïa kynduh ïa ka apot pluh ïing ka ba don ha shnong Moodymmai, West Jaiñtia Hills.
Katei ka jingpluh ïing ka la jia ha ka meit 22 tarik Naiwieng, ha kaba ka ding ka la ïoh ban bam duh noh ïa baroh ki jingdon jingem kiba don hapoh katei ka ïing bad ruh ïa Arngut ki khynnah kaba la wanrah ïa ka jingduhnong kaba khraw ïa ki trai jong katei ka ïing.
Halor kane kum ka dak ban pynpaw ïa ka jingsngewlem ïa katei ka longiing, na ka liang ki nongïalam bad dkhot ka KSU, ki la leit ban ïarap sngewlem ïa katei ka longïing katba kot ka bor.
Kiwei de kiba ïadonlang ha kaba leit noh synñiang sha katei ka longïing, ki kynthup ïa u samla Rangbah Binos Syngkon President Modymmai Unit, samla Chanbor War Vice-President WJHDU samla Ioanis Suchiang President KSU Jowai Circle, samla Phraki Hawni Thubru General Secretary Jowai Circle, samla Phrangki Papang Finance Secretary bad kiwei.