Leh burom ka Seiñ Kynthai Committee Longïongkjam ïa ka sngi kyrpang ki kynthei
Pynkup burom ïa ka Member ka National Commission for Women kong Delina Khongdup
Jowai, Ïaïong 01: Ka Seiñkynthai Committee Loomïongkjam, Jowai hynnin ka sngi 31 tarik u Lber kala pynlong ïaka prokram ai jinghikai bad la pynkut burom kumjuh ïa ka kong Delina Khongdup kaba dei ka Member ka National Commission for Women, jong ka sorkar Kmie.
Ïa kane ka prokram la pynlong ha dorkar ka Loomïongkjam shi bynta na ka jingrakhe ïa ka sngi kyrpang jong ki kynthei ha shityllup ka pyrthei kaba la tip kum ka ‘International Women’s Day 2023’ halor ka phang kaba ong “DigitAll: Innovation and Technology for Gender Equality”.
Ha kane ka sngi kiba bun na ki nongkren ki la pynsngew shaphang kane ka phang kaba donkam eh ha kine ki sngi jong ka juk, ha kaba kum ki longkmie ruh ki don ka bynta ka khraw ban pyndonkam ïa ki bor Technology lyngba ki kor ki bor kiba ïarap shibuh eh ha ka kam ka jam.
Shuh shuh kila pynsngew ba ka pyrthei mynta kala ïaid ha ryngkat ki tiar Technology kila la pynsuk ïa ki paidbah ha kiba bun ki liang bad kaba ïarap ruh ban pynsted ïa ka kam ka kam bad ban ïoh ki jingtip kloi tang da ki minit ne ki Second.
Ïa ka jingïalang ha kane ka sngi la pynïaid da ka kong Juliana Challam, Chairperson ka Seiñ Kynthai Loomïongkjam kaba la pdiang sngewbha ïa baroh kiba la wan sha ka prokram bad kala pynsngew ruh ïa ki kam ba bha jong kane ka seng Kynthai kaba la noh synñiang hapoh ka imlang ka sah lang.
Ka Delina Khongdup haba ai jingkren ha kane ka sngi kala pynpaw ka jingsngewkmen ban ïadonbynta lang ha kane ka sngi ha ryngkat ki longkmie jong kane ka seng bad ki khun samla ka shnong.
Kala ong la buh kyrpang ïa kane ka phang mynta ka snem ka long halor ka jingkynrei ki kam sniew na ki (Cyber Crime), hynrei ban ïada ïa kane ka don ka aiñ katkum ka ‘Information Technology Act 2000”, shuh shuh kala ong kum ki lanot ki lah ban ujor ïa kane lada don mano mano ka shim kabu ïa une ka briew lada dei ha ki Social Media kumjuh.
Kiwei de kiba ai jingkren ha kane ka sngi ki kynthup ïa u ma Khroo Lamsalanki Pariat, ma Womlin Pakyntein uwei na ki riew rangbah ka Dong Lomïongkjam, ha ryngkat ka jingdonlang ka ka J. Synnah, District Social Officer West Jaiñtia Hills nalor kiwei de kiba la shah khot sngewbha.