Kyntu ka AHAM ïa ki Nongïalam na Ri-lum Khasi ban burom ïa ka hukum halor ka Roster System
Shillong, Iaiong 1 : Ka Achik Holistic Awakening Movement (AHAM) hynnin ka sngi kala kyntu ïa ki nongïalam na Rilum Khasi bad Jaintia ba ki dei ban burom ïa ka hukum ka Meghalaya High Court haba ïadei bad ka Roster System.“Haba kdew ïaka hukum ka High Court bala pynmih haka 5 tarik Iaiong 2022, u president ka AHAM u Georgeprince Momin ula ong ba ka ïing kashari kala pynmih ïaka hukum ba ym lah ban thungkam thymmai ne kyntiew kyrdan khlem da pyntreikam shwa ïa ka Roster System.“U Georgeprince ula kdew ba ka hukum kala kdew ba kino kino ki jingthungkam ha baroh ki tnat sorkar kidei ban ïaid katkum ka Roster System jong ka bhah thungkam lane ka Reservation Policy bad la bthah ruh ba ka jingthungkam bad ka rukom bhah kam kan dei ban long beit kat kum ka Policy.““Katkum ka hukum jong ka High Court la kdew ba namar ka jingbym don ka Roster System ka bhah thungkam ha Meghalaya ruh kam ïaid bha bad bun kiba dei hok ban ïoh kam kila shah pynduh noh ïaka hok bad ka jingbym don ka Roster System kala pyndkoh ïaka Reservation Policy bad kane kala wanrah ruh ïaka jingleh shilliang haka por thungkam” la ong u Georgeprince.“U Georgeprince ula ong ruh ba ka sorkar jylla lyngba ka Office Memorandum kala pynmih ïaka hukum haka 10 tarik Jymmang 2022 ban pyntreikam ïaka Reservation Roster.““Haka Para-6 jong ka Office Memorandum dated.10.05.2022 la kdew ba baroh ki rukom thungkam kin ïaid katkum ka Roster System bad la kdew ruh ba ka rukom thungkam kan ïaid lyngba ki Backlog naka bynta baroh ki jaitbynriew Khasi, Jaintia, Garo, kiwei ki STs & SC” ula ong.“Ula ong ba para-7 jong ka Office Memorandum ka kdew ba ka Reservation Roster kadei naka bynta ban pynthikna ba ka Reservation Policy ba kan ïaid beit ïaid ryntih.“Shuh shuh ula bynrap ba naka liang u Advocate General ka sorkar Meghalaya ula phah ïa ka jingmynjur sha ka Division Bench ba ym lah ban pyntreikam ïaka bhah thungkam lane ka Reservation Policy khlem da don ka Roster System bad ula pyni nuksa ruh daka Constitution Bench Judgment reported at(1995) 2 SCC 745 (R.K Sabharwal Vs. State of Punjab).““Ngi kwah pynpaw ba ka rai jong ka hukum jong ka Meghalaya High Court ka long kaba biang tam daka ba bthah ïaka sorkar jylla ban pynbiang ïaka Roster System naka bynta ban pynthikna ba ka bhah thungkam lane ka Reservation Policy ha Meghalaya ka ïaid beit ïaid ryntih” ula ong.