Shillong, Lber, 18: Katto katne ngut ki nongtrei bylla kiba dang bunkam ban pynleit jingmut ha ka trei ka ktah ha ka shnong Lumjingsuk, Madanryting, ha ka 16 tarik mynta u bnai ha ka por kumba 6:00 baje janmiet ki la lap ïa kawei ka shynrong khlieh briew kaba don markhap bad ka shlem pule jong ka Indian Institute of Management (IIM) Shillong kaba don ha ka shnong Nongthymmai, Shillong.
Kane ka khlieh briew, ym shym la lah satia ban ithuh shuh la ka dei ka shynrong khlieh jong u shynrang lane ka shynrong khlieh jong ka kynthei.
Ki Pulit kiba la ïoh jingtip halor kane, ki la leit bran bran ban pynlong ïa ka jingtohkit bad ban pynkit noh sha NEIGRIHMS Hospital na ka bynta ban leh ïa ka post mortem.
Ka jingtohkit halor kane ka jingjia ka dang ïaid shakhmat.
