Nongpoh, Lber 07: Ka long ka khubor kaba pynngiew ïa kiba bun balang ha kaba mynta ka sngi ki Pulit ka Ri Bhoi ki la ioh ban tap ïa kawei ka khlieh briew ba la suba shah ot ha ki runar narud ka wah Umïam ha Ri Bhoi District.
Katkum ka jingioh lum jingtip na ki Pulit ka Ri Bhoi, la ong ba nyngkong eh la iohi da ki paidbah nonghsong shnong ka Umïam ha kaba ki la pyntip sha ki bor Pulit ha Umïam bad khlem da buh por ki puli tki la hiar sha katei ka wah bad ki la lap shisha ïa ka khlieh briew kaba la per harud jong ka wah Umïam.
Na ka liang ki bor pulit ki la pynlong ïa ka jingtohkit halor kane ka jingjia bad hadien ba la pynlong ïa ka jingtohkit ki la rah noh sha Civil Hospital Nongpoh ban pyndep ïa ka post mortem examination.
La ïathuh ruh ba ki bor pulit ki la pyrshang ruh ban wad ïa kiwei kiwei ki bynta jong ka met hadien ba la lap ïa katei ka khlieh briew, hynrei kim lap satia ïa kiwei kiwei ki bynta jong ka met lait noh tang katei ka khlieh briew.
Na ka liang ki pulit ki la ujor da ka Suo moto bad ban dang pynlong ïa ka jingtohkit ban lap ksai ïa ki briew ba don kti ha kane ka kam bad katkum ka tyllong khubor na ki Pulit la suba ruh ba ïa une u briew la suba ba u la shah pynïap ha ki runar ha kaba ka jingtohkit halor kane ka bynta ka dang ïaid shakhmat.
