Lap ka KSU khlem pat poi ka umbam JJM ha shnong Saphai wat hadien ba la dep pynbna

Jowai, K.Lyngkot 15: Ka Khasi Students Union (KSU) Kupli Area Circle ha ka jingleit ban jurip ïa ki top um bad ki pipe um ka JJM kiba pynpoi umbam umdih sha manla ki thliewïing ha ka shnong Saphai West Jaiñtia Hills District, hynrei la lap pynban naduh ba la dep pynshna ïa ki top um ka umbam kam pat shem la poi um hapoh kitei ki top um.
Halor kane ka seng hadien ka jingïoh ujor na ki paidbah nongshong shnong ka la leit ban kynduh ïa ka Executive Engineer jong tnad PHE ka kong R. Kynjing ha ka 18/09/2024 ha ka jingdon lang u ma Kola Lyngdoh, ha ka jingïakren ka Executive Engineer ka la kular ba ka um kan poi hapoh shibnai kata naduh ka 23.10.2024 hynrei mynta la lai bnai tam ka umbam ka khlem pat poi sha ki paidbah.
Na ka liang ka Khasi Students Union (KSU) Kupli Area Circle ka la pynrem jur ïa kane ka jingsuki palat ka rukom sam umbam ha katei ka shnong, da kaba ong ‘Sep ei ka mang tyngka ka sorkar pdeng lyngba ka Scheme JJM ban pynsuk ïa ki longïing hapoh ka Jylla” hynrei ki nongpyntrei ïa ka kam ka dang sha kut hapdeng ka jingthylli ki top um.
Ka seng ka kyntu jur iaka ophis PHE ba kan pyntreikam noh mardor ban pynpoi ïa ka umbam sha ki paidbah, na ka liang ki nongshnong shnong ha ka jingïakren bad ki nongïalam ka seng ki la ïathuh dei ha ka por ba Test pump nongkong ïa ka um ka poi tang shisien, hadien kane ka um kam shem la poi shuh.