Shillong, K’lyngkot, 10: Ïa ka metïap jong uwei u rangbah la lap ha Nongkseh, Upper Shillong ha ka 6 tarik mynta u bnai. Une u briew u don kumba 35 snem eiei ka rta bad la lap ïa u na ka bynta khlaw jong ka ophis GSI kaba don marpyrshah bad ka Gorkha Higher Secondary School. Ki Pulit ki la pyntip ba une u briew u phong da ka Sweater rong iong bad ka sopti rong saw jngum bad don u tattoo pyllun ha ka shadem. Hadien ba la pyndep ïa ka post morem, ïa ka met ïap la buh jaka buh metïap ha NEIGRIHMS Hospital na ka bynta ban kam ki bahaing hasem.
