Jowai, Lber 15 : Ka ophis jong u District Sports Officer, West Jaiñtia Hills District, Jowai kum shi bynta ban rakhe ïa ka sngi ba kyrpang jong ki kynthei ne ka ‘International Women’s Day 2023’ mynta ka sngi (15 tarik u Lber, 2023) kala pynlong ïa ka jingïakop tan tyllai hapdeng ki kynthei ha Kiang Nangbah Stadium, Jowai.
Ha kane ka sngi ïakop tan tyllai ‘Open Tug of war’ tang na ka bynta ki kynthei la wan ban ïashim bynta haduh 9 tylli ki kynhun, kiba kynthup ïa ka R.C Eve Secondary School, Mihmyntdu, Upper Primary, ka Catholic Youth Sports Club, Mihmyntdu, R.C. Eve Secondary School, Mihmyntdu, Secondary School, ka Women’s Dongmihsngi Sports Club, ka Q.C Springside HSS, ka H.K. Singh Memorial Secondary School, ka 7 Wasa United, ka West Jaiñtia Judo Association bad ka R.C. Eve Lower Primary School, Mihmyntdu.
Ki kynhun kiba la poi sha ka Final ki long ka Q.C Springside HSS pyrshah ïa ka H.K. Singh Memorial Secondary School.
Ka Q.C Springside HSS ka la long ka lahduh ha kane ka jingïakop tan tyllai (tug of war) jong ka jingrakhe ïa ka International Women’s Day mynta ka snem.
