Amlarem, Ïaïong 08: Ka kynhun ka Nangbah Mulang SC kala long ka lahduh haka lympung ïalehkai 11th Secondary School Football Knock-out Tournament 2024-25 bala pynïaid da ka Dorbar shnong Pdengshakap West Jaiñtia Hills District.
Haba phai sha ka jingïakhun phainal ka Nangbah Mulang SC kala lah ban pynliem ïaka Pohplet FC da 3-2 kol bad khur syndon ïaka nam lahduh ha ka jingïa khun Final kaba la long haka sngi saitjaiñ jong ka 5 tarik u Ïaïong 2025.
Ïa kane ka lympung la wan ban pynhap pyrda da u Thombor Shiwat CEM JHADC, haka jingïadon lang u Medling Swer EM JHADC, u Dapmon Tariang General Secretary ASSA, u Daloi Elaka Satpator, ki riew paw khmat ka thaiñ bad kumjuh ruh ki nongkitkam naki synjuk ïalehkai ba pher ba pher jong ka thaiñ.
Ïaki kol na ka Nangbah Mulang SC la thep da u Deibormame Tongper haka minit kaba 3, u Sangti Janai haka minit kaba 70 bad u Civility Khongmalai haka minit kaba 73. Katba ïaki kol jong ka Pohplet FC pat la thep da u H. Minghlu Vankal haka minit kaba 23 bad u Aibiang Nongneng haka minit kaba 36.
Lyngba kane ka jing jop ka Nangbah Mulang SC kala ïoh ïaka song pisa kaba T.3,50,000/- katba ka Pohplet FC kala ïoh T.2,50,000/- ryngkat ki Trophy.
Nangta la ïoh ruh ban sam ïaki khusnam shimet sha ki rang ïalehkai ka Nangbah Mulang SC ba kynthup ïaka nam Man of the match bala ïoh da u Civility Khongmalai bad ka nam Best Goalkeeper la ïoh da u ïalam Biam.
