Amlarem, Ïaïong 08: Ka Khliehtyrshi SC kala jop da 136 run ha ka jingïalehkai ba phra jong District Cricket League 2025 kaba la long mynta ka sngi 8 tarik u Ïaïong bala pynïaid daka West Jaiñtia Hills District Cricket Association (WJHDCA) ha Mini Stadium, Khliehtyrshi.
Ha kane jingïalehkai hapdeng ka Khliehtyrshi SC pyrshah ïaka ka Evergreen Mukhla Mission SC, ha kaba ïaka jingkynting pisa la jop da ka Evergreen Mukhla Mission kaba la kam trai ban bowl shuwa. Khlietyrshi SC haba wan ban tied shuwa kala kamai haduh 241 run bad hap baroh 10 wicket ha ka 34.3 over na ki 35 over ba la buh.
Haba wan ban beh ïa ka thong ka Evergreen Mukhla Mission SC kala lah ban ïoh tang 105 run da kaba duh baroh 10 tylli ki wickets tang ha ka 22.1 overs.
U Khimti Dkhar naka Khliehtyrshi S C ula kylla long u nam tam bad khur ïaka khusnam man of the Match hadien ba la ïoh kamai 42 run bad khur 3 wickets. Ïa ka jingïalehkai lashai ka sngi 09/04/2025 kan long hapdeng ka West Jaiñtia Police CC pyrshah ïaka Khimusniang SC ha ka por 9 baje mynstep.
