Lahduh ka Kong Beltina Pyngrope ha ka jingïakop mareh “Run Women Run”

Shillong, Lber 10: Ka Treilang Welfare Society ha ka jingiatrei lang bad ka Nehru Yuva Kendra Sangathan, Shillong ka la pynlong ïa ka jingïakop mareh ba 500 meter kum shi bynta ban rakhe ïa ka sngi kyrpang jong ki kynthei, kaba la tip da ka “Run Women Run – Run for a Cause”, MYBharat Viksit Bharat – Nari Shakti Fitness Run ha ka step sngi Saitjaiñ jong ka taïew ba ladep.
La sdang ïa ka jingïakop naduh 7 baje mynstep bad ka jingsdang ban mareh ka dei naduh Malki Point sha Barik Khun sha Swimming Pool bad ka kut biang hapoh Malki Point. La sakhi ruh ïa ka jingwan shimbynta bun ngut ki longkmie na kylleng ka Sor Shillong ha kane ka jingïakop mareh.
ïa ka kyrdan ba nyngkong la jop da ka Kong Beltina Pyngrope ba shong basah ha Mawpat, nangta bud sa ka Leena Ryntathiang ha ka kyrdan ba ar ba shong ba sah ha Mawpat. Ka Bitarisk Marbaniang bashong basah ha Nongmynsong ka la wan ha ka kyrdan ba lai. Ka Gloria Thangkhiew ba shong basah ha Lummawbah ka la jop kyrdan ba saw.
Ha kane ka Sngi la wan Kongsan da u Bah Fantin Joseph Lakadong-MDC ka Malki Laitumkhrah, katba Symbud Kongsan la wan da u Bah D. Rapsang, Deputy Director, Nehru Yuva Kendra Sangathan, Shillong.
Ka jingthmu ba la pynlong ïa kane ka jingmareh thong ka long ban rakhe ïa ka sngi kyrpang ki Khynthei kaba ngi tip kum ka “International Women’s Day” kaba thew beit ba ka jingïamareh thong ka dei thik tang ïa ki khynthei/longkmei kumjuh ruh ka jingmut jong kane ka jingïashim bynta ha kane ka rynsan mareh ka long ruh ban pynsngewthuh lane pynshai paidbah ïa ka jingkordor jong ka jingdonkam kum ki kynthei lane Longkmie ban phikir ïalade ha kaba ïa dei bad ka koit khiah.
Na ka liang jong ka kynhun ka la ai khublei ruh kyrpang ïa baroh kiba la wan ïashimbynta kaba la pynlong ïa kane ka Lympung ïakop mareh thong kaba kaba seisoh.