Lah ban pynïeng MP ka TMC tang na Tura, ha Shillong yn ïatrei lang bad ki Liang Pyrshah

Shillong, Rymphang 16: U nongïalam ka Seng Trinamool Congress ha meghalaya, u Dr. Mukul Sangma, u la ong ba ka TMC ka lah ban pynïeng kyrtong tang na Tura ha kaba ïadei bad ka elekshon MP kaban wan.
Haba ïakren bad ki nongthoh khubor ha ka por ba don ka jingïadih sha ha Assembly, u Dr. Mukul, u la ong ba na ka bynta u kyrtong ka Tura ladep ban ïapynbeit bad shen yn sa pynbna noh. “Na ka bynta ka Tura, ngi ladep ïapynbeit bad ngin pynban noh shen”, la ong u Myntri Rangbah barim ka ylla.
Ha kaba ïadei bad ka Shillong, u Dr. Mukul, u la ong ba ka jylla kaba rit kum ka Meghalaya ka eh ban ïoh kyrtong ne ban sei kyrtong. U la ïathuh ba ka don ka jingïapynbeit bad don ka jingïatreilang bad ka Seng hi kan kyrshan ïa ki Party kiba ïeng ïaleh pyrshah ïa ka bor synshar ba mynta ha jylla bad ha Delhi.
U Dr. Mukul u la kyntait ruh ba un ïeng hi na Tura da kaba ong naduh u snem 1993 u la rai ban ai ka jingshakri tang ha ka jylla bad mynta ruh un shakri hi ha ka jylla bad um kwah ba ka Seng kan duna uwei u MLA.