Shillong Nailar 20: Namar ka jingkhih ka kam saiñ hima sima ha kane ka jylla ka seng Congress ka lah ban hap duh noh ïa ka kam u Nongïalam ka Liang pyrshah ne leader of opposition naba kane ka seng mynta ka la don satang uwei u MLA ha ka ïing kaba don kumba 60 ki MLA.
Lah ban pynkynmaw ba u MLA ka Congress na Mylliem u Bah Ronnie V. Lyngdoh u la shah thung kum u Nongïalam ka Liang pyrshah ha ka 8 tarik u bnai Jylliew mynta u snem.
Ka Congress mynshwa ka don san ngut ki MLA. Hynrei ka la hiar noh sha ka 4 ngut hadien ba u MLA na Gambegre u Salseng A Sangma u la iehnoh ïa ka kam hadien ba u la jop ïa ka ilekshon MP na Tura parliamentary seat.
Kum ha kane ka por ka Trinamool Congress kaba san ngut ki MLA kadei kaba don ïa ka hok ban kam noh ïa katei ka kam leader of opposition.
Nalor ka Trinamool Congress, sa kawei pat ka party kaba shong ha ka liang pyrshah kadei ka Voice of the People’s Party ne ka VPP kaba don 4 ngut ki MLA.
Lah ban ong ba ka shuki napoh Gambegre ka dang long thylli hapoh ka Assembly.
