Khliehriat, ïaiong 03: Ha ka jingïalang ba la pynlong mynta ka sngi ha Kongong, East Jaiñtia Hills District, la thaw bad la saiñdur ïa ka All Jaiñtia Pick-Up Association, ka khynhun ka ban peit bad khmih na ka bynta ka jingbit jingbiang ki trai kali pick-up bad ki nongñiah pick-up ha ri lum Jaiñtia bad u kingsan, u bah Kyrshan Dkhar u plie ïa ka ophis treikam jong ka Association ha shnong Kongong East Jaiñtia Hills District
Haba kren kum u kongsan, u bah Kyrshan Dkhar, uba dei u President jong ka seng Truck Owner Association East Jaiñtia Hills, u la ai ka jingkhublei kitbok kitrwiang ïa ka All Jaiñtia Pick-Up Association ba kan nang lah ban trei bha ïa ki kam kiba na ka bynta ka bit ka biang jong ki nongñiah pick up bad ki trai kali, u kyntu ruh ïa baroh ki dkhot, kynthup naduh ki trai kali, ki nongñiah kali pick-up bad ki nongbud ba ki dei ban kongnguh bad burom ïa ka jingpyniaid ki nongialam ka Association bad ruh ban long kiba iatylli bad ba ïa sngewthuhjingmut ha kano kano ka kam, u la ong ruh ba kan sa don ka por ba wat ki Truck Association ruh kin sa donkam ka jingïatreilang bad kane ka All Jaiñtia Pick-Up Association lada ka kam ka dawa na ka bynta kino kino ki mat kiba ktah ïa ka iap ka im bad ïa ka kamai kajih khnang ban dup lah ban ïa im kamai lang kaba katkum ka ktien phira ba la buh ban kamai ïa ka hok.
U la kyntu ïa ki trai pick up bad ki nongñiah kali pick-up ba kin don ïa ka akor ka burom ha ka leit ka wan ka ban long ka burom jong ka Association hi baroh kawei ym ban leh ïa kano kano ka kam ka ban pynbudnam ïa ka Association.
Na ka liang u President jong ka All Jaiñtia Pick-Up Association, u bah Satly Ryngkhlem, u la ong ba ki la dep ban register ïa kane ka Association bad la ïoh ruh ba ka Association ka la dep ïoh ïa ka licence kaba long ka lad ka lynti ban ïaid shakhmat bad kyrpad ïa baroh ki nongñiah kali pick-up ba kin sngewbha ban burom bad kohnguh ïa ka jingpyniaid jong ki nongïalam, u la pynpaw ruh ba kum u nongialam u kwah ban don ka jing iatreilang jong baroh ki trai kali kiba buh nong ñiah kali ba kin kyntu ruh ïa ki nongñiah ba kin kohnguh ia ka jingpyniaid ka association, U la ai ka jingkitbok kitrwiang ïa ka Association ba kan iaid shakhmat ha ki kam ki jam bad ba ka sorkar ruh kan tip ba ha ri lum Jaiñtia ka la don kane ka Association ka ban peit bad khmih na ka bynta ka jingbit jingbiang ki trai kali bad ki nongñiah kali pickup. U la ong shuh shub babunsiem ki kynduh jingeh ha ka trei ka ktah namar bunsien ka jingwan ki kali kiba na bar jylla ka la ktah bad ki la wan ban shu kamai spah na kane ka thaiñ na kata ka daw la seng noh ïa kane ka Association, ha East Jaintia Hills District ka la don ki seng trok kiba peit ïa ka trei ka ktah bad kamai kajih kumta ki nongñiah bad ki trai kali pickup ruh ki la thaw ïa kane ka kynhun na ka bynta ban ïa im kamai lang katba lah.
U bah Comingsoon Dkhar, uba dei uwei na ki trai kali pickup, u la ong ba bunsiem ki trai kali pickup ki kynduh jingeh na ka daw ka jingbym biang ka kamai kajih bad bynrap ruh ba ki kali pickup kiba na ri lum Jaiñtia ruh ki dei ban ïoh lang ïa ka lad ban ïoh ban kamai ne leit buh mar na kawei ka jylla sha kawei pat, u kyntu ïa ki nongïalam jong ka kane ka Association ba kin sngewbha ban iarap lem ban kyntiew ïa ka kamai kajih jong ki trai kali bad ki nongñiah kali pickup.
Kiba la ai jingkren ki kynthup ruh u bah U Sper Rymbai bad kiwei kiwei, ïa ka prokram la pyniaid da u bah R. D. Poll,Rymbai.
