La thaw bad saiñdur ïa ka Kur Chyrmang-Kympad ha EJH

0

Khliehriat risaw 3: Ka jingialang jong ka seng Kur Chyrmang-Kympad kaba la pynlong haka 1 tarik mynta u bnai risaw ha ka ïing Kmie u bah Ebas Chyrmang ha Khliehriat West, ka seng Kur da kawei ka jingmut ka la jied bad da ka jingibit lang bad ka jing ïa mynjur lang jong baroh ka Kur Chyrmang-Kympad la jied ruh ïa ki nongkitkam bad ka samoi treikam jong nongkitkam bad ki dkhot Executive kan kut hapoh ka lai snem bad hadien kane ka Sengkur kan sa pynthummai biang.
Ki nongkitkam jong katei ka sengkur Chyrmang-Kympad kiba la jied, ki kynthup, u President, u bah Ebas Chyrmang, Secretary, u bah Michal Chyrmang, Assistant secretary, u bah Batmi Chyrmang, Chairman, u bah Becarefull Chyrmang, Vice chairman, u bah Justming Chyrmang, Treasurer, ka kong Wino Chyrmang, Assistant treasurer, ka kong Mili Gympad, Auditor, ka kong Richialmon Chyrmang, Advicer, u bah Darling Chyrmang, ha kane ka sngi ka sengkur ka la jied ruh ïa ki dkhot ka Executive Committee.
La ong ruh ba ka Auditor kan sngewbha ban ai ïa ki jingkheiñ jingdiah ha ka shisien shi snem sha ka Kur Chyrmang-Kympad kata naduh 1/10/2022 haduh ka 1/10/202. La kyrpad ruh ïa ki nongïalam bad ki dkot jong ka Executive Committee (EC) ban kin sngewbha ban kitkhia ïa ka kam ba la bynshet ha ki khnang ba ka kur kan poi sha ka thong kumba la thmu naduh kaba sdang.
Ha kane ka sngi la pynbna ruh ba ïa kane ka Seng Kur yn tip noh kum ka Kur Chyrmang-Kympad Khliehriat Circle, ka ban treikam hapoh ki thaiñ Khliehriat baroh kawei bad ka jingthmu jong katei ka seng kur ka long khnang ba kan don ka jingïa ithuh Ithaw ïa ki para kur, para jait, kumjuh ruh ban don ka jing sngew ïajuh iajan bad ruh ban peit ïa ki kur kiba shah ban beiñ bad ban iatylli khamtam haka pang ka shitom bad ka iap ka im jong ki para kur para jait.

Leave A Reply

Your email address will not be published.