Nongstoiñ Kyllalyngot 03: Ka Mawrusyiar Youth Sport & Cultural Club ka la kynjoh sanphew phewsnem ha une u 2023 bad ka la sdang ïa ka jingrakhe naduh u bnai Kyllalyngkot jong u sem ba la dep bad kan pynkut ïa jingrakhe ïa ka Jubilli ksiar jong ka jingdap sanphew snem jong ka Club naduh ba la seng ïa ka.u samla Lambor Wanñiang general secretary jong ka Club haba ïakren bad ki nongthohkhubor mynta ka sngi u la ong ba ha katei ka sngi jong ka jingpnykut ka Club kan pynlong ïa ki jingïalehkai ba bun jait bad ha ka por janmiet kan don ka Concert ha kaba yn ailad ïa ki kynhun rwai bapher bap her napoh ka district ba kin wan ban ïa shim bynta.
Nalor kata ha ka por janmiet kin don ki kynhun tem kiba paw bha kum ka Thunder kids , bad Snowwhite ki ban pynshongshit bad pynsngewtynnad ïa ki paitbah.U la ong ruh ba ka Club ka la pynkhreh ïa ki jaka pynïeng kali kiba biang na ka bynta ki nongwan peit kai bad ha katei ka sngi u Ma Vincent H.Pala Mp ka Shillong seat un long kum u kongsan.
