Ai khublei snem thymmai ba suk ba kmen ka DS Moolamylliang bad ki paidbah ba wan jngohkai ïa ka shnong Moolamylliag

Khliehriat Kyllalyngkot 03: Ka Doarbar Shnong Moolamylliang, East Jaiñtia Hills District lyngba u Waheh Shnong, u bah Apmon Pashiang ka ai ïa ka jingkhublei snem thymmai ba suk ba kmen ïa baroh ki nongshog shnong jong ka jylla Meghalaya bad ruh kito kiba wan na bar jylla, kumjuh ruh ki nongwan jngohkai, kiba wan na Shillong, na ki shnong ba mar jan bad kito kiba wan na bar jylla kiba la wan poi sha kane ka shnong kaba dei ka shnong kaba la paw bha ha ka khuid ka suba, ki ai ka jingkhublei Snem thymmai ïa ki paidbah baroh kumjuh ruh ia ki nongshong shnong jong ka shnong Moolamylliang.
Kane ka dei ruh ka shnong kaba ju rakhe ïa ka jingleh kmen krismas bad snem thymmai ha ka rukom ba kyrpang bha bad kaba itynnad kaba ju khring ia ki paidbah na jan bad na jngai, da ki tamasa jingpynthaba ding ha ki rong ba itynnad bha.
Haba kren sha ki pathai khubor, u bah Apmon Pashiang u la ong ba “ Na ka liang ka Dorbar shnong ngi ai ka jingkhublei snem thymmai ba suk ba kmen bad ruh ka jing kitbok kitrwiang ïa phi baroh bad ngeit skhem ruh ban phin nang roi nang par ha ki kam ki jam bad ha ki liang baroh ha une u snem 2024, ngi kyrpad ruh ïa phi ba phin wan jngoh biang ïa kane ka shnong bad kyrshan lem ïa ngi na uwei u snem sha uwei u snem”
Kumjuh ruh ki samla kiba na ka nongbah Shillong, na ki shnong ba mar jan bad kiba na bar jylla kiba la wan poi ban jngoh ïa kane ka shnong Moolamylliang, ha East Jaiñtia Hills District ki la ai ka jingiaroh ïa ka jinglah ka Dorbar Shnong ban pynbit pynbiang ïa ka rukom pynwandur ïa ki jingpynthaba ding kumjuh ruh ka rukom thung ïa ki dieng ha shnong ha thaw kaba wandur itynnad bha “Kaba sngewtyynad eh ka dei ka jingthung dieng ha shnong ha thaw ha rud surok, ki lynti shnong bad ka jinglah ban pynneh pynsah ïa ka mariang”ong u samla Randolph L.Tron uba na Shillong uba la poi ban jngoh ïa ka shnong Moolamylliang.