Shillong, Lber 26: Ka Hynñiewtrep Integrated Territorial Organisation (HITO) ka la kam ba ka jingpyntrei kam ka sorkar da ka Reservation Policy ha ka bhah leit pule kaba ka sha ki kyrdan kiba kham shajrong kum ha ki laiñ enjiniar, doktor bad kiwei kiwei na ki seat ka sorkar jylla la shu pyntreikam jubor da ka Reservation Policy kaba long be-aiñ.
Haba kren sha ki lad patahi khubor u President ka HITO u Bah Donbok Dkhar u la ong ba ka jingkynthup ka sorkar jylla da ka job Reservation Policy ha ka bhah leit pule ka long kaba be-aií.
Kat kum ka RTI kaba ngi pan la ai jingtip ba ka jingsam ïa ka bhah leit pule da 40% hapdeng ki Khasi la shu pyntreikam beit da ka pasoh kaba don ha ka Reservation Policy.
“Ngi la pan da ka RTI bad la ai jingtip ba ïa ka bhah leit pule ruh la shu kynthup beit da ka Reservation Policy kaba long be-aiñ,” u la ong.
Ha ka Reservation Policy la kdew ba ka jingsam bhah kan dei 40% hapdeng ki Khasi bad Garo hynrei ym shym la kdew eiei ïa ka bhah leit pule ba 40% hapdeng u Khasi bad Garo bad kane ka long kaba be-aiñ,” u la bynrap.
