La shah ïaid biang ïa ki kali lyngba ka surok Rngaiñ ba twa

0

Shiilong, Ïaïong 17: Hadien ba ka surok ba pynïasoh ïa ka Pynursla bad ka Shillong ka la dkut noh sbak da ka jingtwa ha ki bynta ka Rngaiñ kaba la jia ha ka janmiet sngi Thohdieng ha ka sngi Nyngkong pat kane ka surok kaba la dkut la lah ban pynisoh biang pat ïa ki shnong ka thaiñ Riwar Mihngi hadien ba na ka liang ka NHIDCL ka la lah ban weng ïa ki maw bad khyndew kiba la hap ha ka jingtwa kane ka khyndew.
Kat kum ka hukum ba la pynmih na ka ophis jong ka SDO la shah ba ki kali kiba lah ban ïaid lyngba kane ka surok ba la sator na ka jingtwa khyndew kim dei ban kit palat ïa ka 30 ton.
Lah ban kdew hangne ba hadien ba kane ka surok ka la shlei da ki maw bad khyndew kiba twa kiba bun ki nongshong shnong ka thaiñ kiba mut ban leit Shillong ki la hap ban pyndonkam noh da ka surok kaba poi sha Wahrew bad kiew pat sha Sohra bad Shillong.
Shuh shuh lah ban ïohi ba kiba bun ki nonsghong shnong kiba donkam leit Shillong bad kumjuh kiba a Shillong kiba donkam leit Pynursal ki la hap ban shim arsien shim kali kawei na Pynursla haduh ka bynta ba jia ka jingtwa bad ïaid pat da kjat ynda poi ha kane ka jaka bad shim pat da kawei ka kali kaba la ap kupa ha ki bynta ba kham shakhamt kane ka jingtwa.

Leave A Reply

Your email address will not be published.