Pynsahngeh shuwa ïa ki advertisement kam sorkar dawa ka KHNAM

Shillong, Ïaïong 17: Ka Khun Hynñiewtrep National Aweakning Movement (KHNAM) ha ka sngi Nyngkong ka la dawa ba ka sorkar ka dei ban pynsahngeh shuwa ïa ka jingkhot aplai kam ha ki tnat sorkar bapher bapher katba ym pat lah ban pynbeit thymmai ïa ka Roster System.
“Ngi sengewthuh shaikdar ba lada ym pynsangeh ïa kane ka jingkhot advertisment bad lada ym pyndam shuwa ïa ki advertisement ba la dep khot, kiba bun ki post yn sa bsuh da ki Garo namar ki kyndon ka Roster ruh ka thew beit siak sha kane ka bynta , bad U Myntri Rangbah ka jylla u kwah ïa kata hi (ka jingiohkam ki paid Garo). Namar kata ka seng ka kyntu lang ïa baroh ki seng Bhalang bad ki seng saiñ hima sima ban pynbor lang ïa ka sorkar da kawei ka sur khnang ba ki samla jong ngi kin ym duh nong,” ong ka kyrwoh na u Vice Presdent ka KHNAM u Bah Thomas Passah.