Jowai, Nailar 04 : Ka Cultural Youth Club (CYC) Mowkaiaw mynta ka sngi 4 tarik u Nailar ka la sdang ïa ka jingïalehkai bala tip kum ka ‘5th Inter Dong Knock Out Football Tournament-2022’ ha ka shnong Mowkaiaw West Jaiñtia Hills District.
Ïa kane ka lympung la wan ban plie pyrda da u kongsan ma Kyrshan Dkhar ryngkat ka jingïadonglang ki riew rangbah bad samla jong katei ka shnong.
Ha kane ka sngi sdang ka jingïalehkai ki kynhun kiba la wan ban ïa aireng nyngkong ki kynthup ïa ka dong Pdeinskur kaba la ïakhun pyrshah ïa ka dong Lum-mukoi bad hakane ka jingïalehkai na ka liang ka dong Pdeinskur ka la jop ïa ka Lum mukoi da ka jingïashut Tie Breaker da 5-3 kol.
