Tura, Kyllalyngkot 15: Ka jingpynïaid ban sdang ïa ki jingïalehkai bapher bapher jong ka Meghalaya Games mynta u snem ka la nang ïaid shaphrang.
Kawei na ki jingïalehkai ba la sdang hynne ka sngi, ka long ka Badminton bad la pynlong ïa ki jingïakhun hapoh ka Tura Indoor Hall, Hawakhana.
Haba phai sha ki jingiakhun kaba para marwei jong ki shynrang, u Mewanlamkupar ka Eastern West Khasi Hills u la lah ban pynliem noh ïa u Hunbait S Manner ka West Jaintia da 18-21, 21-11 bad 23-21.
Ha kawei pat ka jingïakhun, u Stephan Marwein ka East Khasi Hills u la lah ban pynliem noh ïa u Biswajit Ghosh ka West Garo da 21-18, 20-22, 22-20. Katba u Civilo Ch Momin ka South West Garo Hills u la lah ban pynliem noh ïa u Nangkiewshaphrang ka Eastern West da 23-21, 21-19 point.
U Gaurav Dutta ka West Garo Hills u la lah ban jop da kaba suk ïa u Jefrryford Lyngdoh ka West Khasi Hills District da 21-16, 21-11, u Enrique Syiem ka Ri- Bhoi u la pynliem noh ïa u Banshanlang Pariong West Khasi da 21-12, 21-10, u Raynel Kharbuki East Khasi Hills u la lah ban pynliem noh ïa u Banshanbor Lamare West Jaintia Hills District da 21-9, 21-14, katba ka Dabiangsakani West Jaintia Hills ka la lah ba kan pynliem noh ïa ka Baphishisha Marshillong West Khasi Hills da 21-18, 21-12 point.
