Tura, Kyllalyngkot 15: Ka kynhun ki rang ïalehkai phutbol ka Ri-Bhoi bad ka West Garo Hills District ki la ïoh ban khur ïa namop hynne ka sngi ha ka thup ïalehkai phutbol ki shynrang jong ka 5th Meghalaya Games ba la long ha madan Chanmari, Tura.
Na ka liang jong ka Ri-Bhoi ka la lah ban pynliem ïa ka East Jaintia Hills da 3 kol, ïa kaba la thep da u Riskhem Syiem, Jefree Kyrsain bad u N Syngkli.
Katba na ka liang jong ka West Garo Hills, ka la pynliem ïa South Garo Hills da 7-1 kol.
Na ka West Garo Hills, kiba la ïoh pynkhijar ki long u Baltimas K Marak, Nangrim M Sangma, Dimsrang Ch Sangma u R. D Sangma bad u Kim Kim D Sangma kiba la ioh ban thep mar ar kol.
Lyngba kane ka namjop, baroh ar kynhun (Ri Bhoi & WGH) ki la ïoh ban jam sha ka semifinal jong kane ka lympung, katba ar tylli ki kynhun kin dang ïaknieh rung mynta ka sngi.
