Shillong, Kyllalyngkot 15: Ar tylli ki kynhun ba kynthup ïa ka Elite XI bad ka Power Grid ki la khur jingjop hynne ka sngi ha ka jingïakhun jong ka lympung Shillong Cricket League 3rd division 2024 ba la pynïaid da ka Shillong Cricket Assocïation ryngkat ka jingïatreilang bad ka Samkhamti ha madan Urkalïar.
Ka jingïakhun kaba nyngkong ka la long hapdeng ka Laitkor CC pyrshah ïa ka Elite XI, ha kaba ka Laitkor ka la jied ban bol nyngkong hadien ba jop ïa ka toss.
Haba shim ïa ka pali ban tied nyngkong, ka kynhun Elite XI ka la buh thong haduh 157 ron hap 9 wicket da kaba tied pyndep ïa ka 20over ba la buh. U Arup Das u la kamai 47ron naki 38 bol, u Jayanta Dey u la kamai 26 ron naki 26 bol.
Haba beh ïa ka thong ba la buh, ka Laitkor kam shym la lah ban kynjoh pura ïa ka thong, ha kaba ka tied tang 149 ron hap 6wicket ha kaba kut jong ka 20 over. Na ka lïang jong u Wanpher u la ïalehkai bha da kaba tied 54 ron na ki 56 bol hynrei kam pat bïang ïa ka kynhun ban poi sha ka namjop.
Ka kynhun Elite XI ka la khur ïa ka namjop da 8 ron. Napdeng ki rangkawangbol ka Elite XI, u Ravi kumar u la kawang 4over, shah tied 11ron bad khur haduh 4wicket ban khur syndon ïa ka nam Player of the match.
Haba phai sha ka jingïakhun kaba ar hapdeng ka Young Langsning pyrshah ïa ka Power Grid, kaba la shah phah tied nyngkong hadien ba rem ha ka toss.
Ki rangtied ka Power Grid ki la lah ban buh ïa ka kynhun da 211 ron hap 7 wicket naki 20 over, bad ki rangtied kiba la kamai bun ron ki kynthup ïa u Utpal das da 54 ron naki 27 bol, nangta u Kumar chettri u ba la tied 35 ron naki 24 bol.
Haba beh ïa ka thong ba la buh, ka Young Langsning ka la ïohlad ban kynjoh tang sha ka 123 ron, shah pynhap haduh 9 wicket naki 20 over kaba la pynlong ïa ka kynhun ban mad ïa ka namrem haduh 88 ron. ïa ka nam Player of the match la khur da un Utpal das u ba la tied 54 ron.
