La rakhe ïa ka jingïalap ‘Khadi Mahotsav’ halor ka mat “Khadi for Nation, Khadi for Fashion”

Shillong, Naiwieng: ïa ka jingïalap ba kyrpang ba la tip kum ka ‘Khadi Mahotsav’ halor ka mat “Khadi for Nation, Khadi for Fashion” la sdang ban rakhe naduh mynta u snem ter ter ha baroh ki bynta jong ka jylla naduh ka 2 haduh ka 31 tarik u Risaw 2023.
Ka thong ba kongsan jong ka Khadi Mahotsav-23 ka long ban kyntiew ha kaba ïadei bad ka jingpynmih ïa ki jaiñ ki nep kynthup ïa ki tiar shna bad thaiñ kti ïa kiba la pynmih hapoh ka jylla shibynta ban kyntiew ïa ka jingïalap halor ka phang “Vocal for Local” bad ‘AtmaNirbhar Bharat Abhiyan’ kaba dei ka thong jong u Myntri Rangbahduh ka ri u Narendra Modi.
Ha kane ka jingrakhe na ka liang ka Ophis jong ka Khadi & Village Industries Commission, Shillong (Meghalaya) ka la pynlong ïa ki prokram bapher bapher, kata kum ki Seminar, Khadi Yatra, Khadi Charchas, Khadi Pledge & Mini-Exhibitions hapoh jong ka Khadi Mahotsav.
ïa ka Seminar, Khadi-Pledge, Khadi Charcha, Khadi Yatra bad ka Mini Exhibition ba ar sngi kynthih la pynlong da kane ka ophis ha ka 27 haduh ka 28 tarik u Risaw ba la dep hapoh North Eastern Hill University (NEHU), Umshing, EKHD, Shillong ha kaba la pynkhreh ïa ki hynriew tylli ki stall ba la pyni paidbah ïa ki jaiñ ki nep bad ki tiar ba la pynmih da ki nongshna bad ki nongthaiñ kti na ka jylla.
ïa kane ka Mini-Exhibition la wan plie da u Professor H.K.Mishra,HOD (Hindi Department) bad Dr.Filimela Marbaniang ,Assistant Professor (Hindi Department) , North Eastern Hill University (NEHU), Shillong ha ka jingïadon lang u Mange Ram, State Director, Khadi & Village Industries Commission, Shillong (Meghalaya), ki heh sorkar, staff bad kiwei kiwei.
Hadien ka jingplie, u Professor H.K.Mishra u la pynlong ruh ka jingïamir jingmut bad baroh ki nongïashim bynta ha ka exhibition bad pynpaw ruh ha kaba ïadei bad ki skhim bapher bapher jong ka KVIC ïa kiba la pytreikam bad ïa kiba la pynshai bniah da u State Director, KVIC, Shillong.
Baroh ki nongïashim bynta ha ka exhibition ki la ïoh ïa ka jingithuh bad pyrto halor ka jingnoh synñiang na ka bynta ka jingïalap halor ka phang “Vocal for Local” bad halor ka jingkyntiew ïa ka ïoh ka kot jong ka ri da ka KVIC.