Khliehriat Nailar, 18: Ka Hynñiewtrep Youth Council (HYC) myn ha ka 15 tarik mynta u bnai nailar ka la ioh ban thaw ïaka HYC Narpuh Circle ha kaba ïaka jingialang la pynlong ha Conference Hall Swer Hotel ha Mynkre, East Jaiñtia Hills District bad u President rangbah jong ka HYC East Jaiñtia Hills District, u bah Preios Pale, u la shim ïa ka bynta ba kongsan ha kaba u la pynskhem ïa ki nongkitkam bad ki dkhot ba thymmai jong ka HYC Narpuh Circle.
Haba kren ha ka jingïalang u ah Precious Pale, u la la pynkynmaw bad kyntu ïa ki nongkitkam bad ki dkhot ba ki dei ban long kiba tip briew, tip Blei bad ruh ba ieid ban ïada ia ka bri u Hynñiewtrep, kiba don ka akor ka burom bad ban long ruh long ki ba lapynkhreh ban mih shakhmat ha kano kano ka por naka bynta ban ïada ïa la ka jong Ri, kum u nongïalam u la pynkynmaw ruh ïa katto katne tylli ki mat treikam ba kongsan jong ka seng bad u kyntu ruh ba kum ki dkhot jong ka seng HYC ki dei ban long ki samla kiba khlaiñ ha ka jingmut jingpyrkhat bad kiba iengskhem ban ïada ïaka Bri u Hynñiewtrep namar kine ki dei kita ki mat kiba long kum ki mawbyrsiew ba donkam ban buh ha khmat eh haka kam shakri ïaka ri bad ka jaitbynriew.
Ki nongkitkam ba thymmai jong ka HYC Narpuh Circle ki kynthup u President, u bah Dismit Sumer, Vice President, u bah Kynjaimon Rymbai, General Secretary, u Animesh Mannar, Assiatant Secretary, u Justmin Syrti, Organising Secretary, Sudame Rymbai, Publicity Secretary, u Ricefiel L Pohbri, Education Secretary, u Dimison Mannar, Office Secretary, u Rimember Suchisng, Environment Secretary, u bah Prius Pamblang , Sports Secretary, Piwel Bareh, Art &Culture Secretary, Johnson Nongrum, lem bad ki dkhot Executive ba kynthup u Helping Rymbai, Poila Pdang, Kitdorlang Mukhim, Bashemphang Nongrum, Harmon Lamurong, Golsan Lamare, Dunipaya Dhar bad kiwei kiwei.
