Khliehriat, Iaiong 5: Ka Seng Hynñiewtrep National Youth Front (HNYF) East Jaiñtia Zones ka swng ka la ïoh ban pynthymmai biang ïa ka tnad treikam jong ka ha ka 26 tarik Lber 2025 ha ka jingïalang kaba la long ha East Side inn hall ha Jalyiah Ladrymbai ha ka ka jingïadon lang ki nongïalam bad ki nongkitkam bathymmai jong ka seng.
Ha kane ka sngi la wan ban sakhi lang da ki sengbhalang bapher bapher kum ka FKJGP-EJH, UHM-EJH, HBDRF nalor kiwei kiwei pat.
Lah ban pynkynmaw ba ka HNYF East Jaiñtia Zones ka la shah pynduh pyndam noh ha kine ki khyndiat bnai ba la dep na ka daw ka jingdkoh treikam jong ka, hynrei mynta ka kynti pat ka la lah ban pynthymmai biang ïa kane ka tnad kaba la tip kum ka HNYF East Jaiñtia Zones.
ïa kane ka jingïalang la pynïaid da u ma Lamsuk Langstang uba la bat teng kum u Secretary barim ka HNYF Central Body. Ha kane ka sngi ki nongïalam ba rangbah jong ka seng khamtam u Tyllibor Swer ki la ïashim bynta ha kaba pynskhem bad pyntian smai ïa ki nongkitkam bathymmai bad ki dkhot bathymmai jong ka seng da kaba pynpaw ïa ki nongrim jong ka kaba long ban pynkhieim biang ïa ka ‘instrument of accessions and annexed of agreement’ ka dulir ba ia soi da ki Syiem ki hima Khasi mynshwa bad ka ri india.
Ha kane ka jingïalang la ïoh ruh ka jingkren na u president ka FKJGP-EJH u samla Deihok Sumer u la ong ba ka Seng HNYF ka dei kaba heh ba la rangbah bad ba don ka jingtreilang man ka por bad ka FKJGP, kata naduh ka Central Body bad ka juh ka thong ki buh hakhmat ban iatylli bad kyntiew ia ka jaidbynriew Hynniewtrep watla ki don la ka jong ka kyrteng.
Katba u Chandame Sungoh Chairman ka HBDRF ha ka jingkren u la iaroh ia ka HNYF namar ba ka don ia u nongialam ba stad uba shemphang khamtam u president rangbah jong ka u Bah Sadon K Blah. U la ong ruh ba kaei kaba ki sengbhalang ki dei ban leh mynta ka dei ban khuid shwa ka jingmut jingpyrkhat bad leh ia ka lynti kaba beit halor ka nongrim kaba seng ka don khnang ban wanrah biang ia ka burom jong ka seng kum ha ki por mynshwa.
Na ka liang ki nongialam ka HNYF-EJZ ki la maham ruh ia kino kino ki dkhot barim kiba la shah pyndam ha kine ki bnai ba la dep ki bym don shuh ha kane ka thup bathymmai ba kim bit shuh ban kam ialade kum ka Seng HNYF bad lada lap ia kum kita ki briew ka seng kan sa pynshitom katkum ka aiñ.
Ki nongkitkam bathymmai ka HNYF East Jaintia Zones ki kynthup ia u President Satly Ryngkhlem, Vice president Chanbormiki Dkhar, General secretary Jesper swer, asst secretary Iaidmon Bareh, publicity secretary Damewanhi Pdang, 6) Organizing secretary Niwan kyrmen Syih, Education secretary Pyniaid Lyngdoh, Sport secretary Telesfour Dkhar, Environment secretary Salong Dkhar,
Art and cultural secretary Womphermiki Dkhar, Disciplinary secretary Son Bareh, Finance secretary Ohiwet Rymbai, Treasurer – Subas Dkhar,14) advisor Hamlen Rymbai, Nangaibormi sutnga bad Cleophas Dkhar kynthup ia 15 ngut ki executive members.
