Shillong, Jymmang: Ka jingpynkhuid Lum Jingthang ha Jaiaw, Shillong kaba ju pynlong shisien shi snem jong ka Seng Khasi Kmie Mawkhar, Shillong la pynlong ha ka 30 tarik u Iaiong ba la dep, ha kaba la wan ban plie da u Rangbah Adelbert Nongrum MLA ka 17 North Shillong, ha ka jingïadon ryngkat lang ki para riew Seng.
Ha kane ka sngi la ïa poi ryngkat ruh ki kynhun samla na ki tnat Seng Khasi bapher bapher na sor Shillong bad khap sor kumjuh, ha kaba la lah ban pyniphuh iphieng ïa ka Lum Jingthang ba kan long kaba i khuid i suba.
Na ka liang ka Lum Jingthang Komiti ha u kyrwoh lyngba u Bah Mario Sunn, Joint Secretary Lum Jingthang Komiti, Seng Khasi Kmie, Jaiaw, Laitdom (Mihngi), Shillong ka ai ka jingkhublei ïa baroh kiba la wan ïashim bynta lang ha kane ka sngi.
