Shillong, Jymmang:Ha ka 30 tarik u ïaïong ba la dep, ki bor shipai Border Security Force (BSF) Meghalaya ki la ïoh ban kem ïa arngut ki nong Bangladesh ïa kiba la tip kyrteng kum u MD Habibullah (31) uba dei napoh ka district Netrakona bad u Md Jahangir Mia (35 snem rta) uba dei na ka district Noakhali na Bangladesh katba ki dang ïaid hapdeng ïaid sha ki bynta khappud ka India ha West Garo Hills district hapdeng ka jingisuba.
Katkum ka jingïathuh da kine ki arngut ki nong Bangladesh kiba la shah kem la ong ba uwei u nong Bangladesh uba kyrteng u Farukh uba shong ba sah ha Sherpur, Bangladesh u la phah ïa ki ban leit rung beaiñ sha ki bynta jong ka India.
Ki la ong ruh ba une u briew u la kular ïa ki ban pynïoh kam ïoh jam ha India ha ka dor jong ka pisa Bangladesh bad ruh ban pynkhreh ïa ki kot ki sla ba donkam na ka bynta jong ki.ïa kine ki arngut la aiti noh shapoh Purakahsia police station, West Garo hills na ka bynta ban leh shuh shuh ïa kaba donkam.
