La pynlong ïa ka SVEEP Program ha St. Xaviers College, Umoid, South West Khasi Hills District

Mawkyrwat, ‘Naiwieng 27: Ka ophis jong u Deputy Commissioner, South West Khasi Hills District, Mawkyrwat ka la pynlong ïa ka SVEEP Programme ha St. Xavier’s College, Shaid Shaid, Umoid, South West Khasi Hills District bad kane ka long kum shibynta ban pynshai ïa ki samla pule halor ka jingkordor ka jingthep vote bad ban pynshulur ïa ki ba kiba la kot 18 snem rta ba ki shim ïa kane ka hok jong ki ban jied ïa ki nongmih khmat.
Kiba la ïadon ha kane ka sngi ki kynthup ïa u Principal of St. Xavier’s College, Rev. Father. Sunny Augustine, SJ, u bah A.L. Bareh, MCS, AC (Election), South West Khasi Hills District, Mawkyrwat, u bah Steveford Marweiñ, MCS, AC, South West Khasi Hills District, Mawkyrwat, ki nonghikai samla pule jong ka kolej bad kiwei kiwei de.
U bah I. Diengdoh, Assistant System Engineer (ASE) ha ka jingkren jong u, u la pynshai halor ka jingdonkam ban ai jinghikai ïa ki samla pule halor ka jingkordor bad jingdonkam ban thep vote kumjuh ruh ban pynshlur ïa kito kiba la kot 18 snem ka rta ba ki wan shakhmat ba ki pynrung kyrteng ban ïoh ïa ka Voters ID khnang ba kin lah ban thep ïa ka vote jong ki.
Shuh Shuh u la ong ba lyngba ka SVEEP Programme la lah ban pyni bad pynsngewthuh ïa ki samla, kumno ka treikam ka elekshon lyngba ka Electronic Voting Machine and Voters – Verified Paper Audit Trial (VVPAT) bad ka jinglong khuid jong kine ki voting machine.
U bah Steveford Marweiñ, MCS ha ka jingkren jong u, u la ban jur halor ka jingdonkam ban buh ïa ka Wall of Democracy hapoh St. Xavier’s College, Umoid, ka ban long ka jaka ba la buh khnang na ka bynta ban tah ïa kot bad ki dur ki ban ai jingtip/ki jingai jihikai bad jingpynshai ha kaba ïa dei bad elekshon bad ruh ban pynshlur ïa ki samla ban ki wan shakhmat ban vote bad jied ïa ki nongmihkhmat.
Shuh shuh u bah Marweiñ, MCS u lah kren ruh halor ka Voters Helpline App kaba long ka ‘App’ kaba lah ban download ha ki mobile phone bad lyngba kane ka App ki nongthep vote ki lah ban peit ïa kiei kiei ki ba donkam kiba ïa dei bad ka elekshon, ka Voter ID bad ruh ban apply na ka bynta ban pynbeit lada don ki jingbakla ha ka Voters ID. U la pyntip ruh ba ka SVEEP ka dei ka ba flagship programme jong ka Election Commission jong ka Ri India ban ai shuh shuh ka jingpynshai sha ki nongthep vote ba kin ïoh ban tip kham bha shaphang ka jingthep vote bad ban pynshlur ïa ki ba kin wan shakhmat ban thep vote khnang ba kin lah ban jied ïa ki nongmihkhmat jong ki.
Kiwei dei ki bynta jong kane ka programme, ki la ka Health Camp bad Awareness ha kaba ïa dei bad ka jingpang ha ka jingmut jingpyrkhat ne Mental Health ba la pynlong da ka ophis jong u District Medical & Health Officer (DM&HO), South West Khasi Hills District.
Ha kane ka sngi la ai jinghikai bad jingpynshai sha ki samla pule halor ka jingtreikam jong Electronic Voting Machine (EVM) bad Voter Verifiable Paper Audit Trail (VVPAT).
La pynlong ruh ïa ka jingïakop tan tyllai ne Tug of War bad ka Mawpoiñ na ka bynta ki samla pule jong ka jong ka St. Xavier’s College, Umoid kaba la pynïaid da ka ophis jong u District Sports Officer, South West Khasi Hills District, ha kaba ha ka Mawpoiñ la jop da ki klas XI & XII Arts Combined jong ki kynthei bad ki klas XI&XII Commerce Combined jong ki shynrang. Katba ha ka Tug of War ki nongjop ki long ka BA 1st Semester jong ki kynthei bad ki klas XI&XII Arts Combined jong ki shynrang.
Hadien ka prokram ka la don ruh ka jingsam ïa ki khusnam sha baroh ki nongjop ha ki ar tylli ki jait jingïalehkai.