Jowai, Jylliew 30: Ki bor pynïaid ka Sub-Division jong ka Amlarem Civil Sub-Division lyngba ka Sub-Divisional Officer (Election), Amlarem Sub-Division, Amlarem kala pyntip ba la buh ïa Help Desk cum Call Centre haka ophis Election, Amlarem Sub-Division shi bynta na ka jingpynïaid shakhmat ïa ka Special Intensive Revision (SIR) jong ka Electoral Roll, Phase-III, kumba la bthah da ka Election Commission of India.
Kino kino ki briew kiba donkam ban ïoh jingtip lane ka jingshai ha kaba ïadei bad kane ka jingpynlong ïa ka SIR, ki lah ban phone sha kine ki number 1950, 1800 345 3802 bad 94854 32400 khnang ba kin ïoh ïa kino ki jingshai ba ki donkam.
