Jowai, Jymmang 05 : Ïa ka ‘16th Inter School Badminton’ ba la pynïaid da ka West Jaiñtia District Badminton Association (WJDBA) Jowai, kaba la sdang naduh ka 2 tarik la pynhap pyrda mynta ka sngi 5 tarik u Jymmang ha Indoor Sports Hall ka Chutwakhu Jowai.
Ha kane ka lynpung haka kyrdan Under-13 Girls (Single) ka Yoorika Niang na ka Khimusniang Presbyterian kala jop da 21-10, 17-21, 21-9 ïa ka Dana Angelina Phyllei na ka Chester HSS, ha ka Doubles ka Dana Angelina Phyllei bad ka Roviancy Heza Chullai na ka Che’s ster HSS kila jop da 21-17, 4-21, 21-9 ïa ka Daphika Ryngkhlem bad ka Shida Phawa na ka Jowai Public School.
Ha ka kyrdan Under-15 Boys (Single) u Lechan Suchiang ula jop da 21-17, 21-16 ïa u Hunbait S. Manar kiba dei na ka juh ka skul Lamuroo SS Shangpung. Ha ka (Doubles) u Lechan Suchiang bad u Dapmon Papang kila pynliem da 21-18, 22-20 ïa u Hunbait Shadap manar bad u Nihi Paia Suchiang.
Katba ha ka Under-15 Girls (Single) ka Aureliana Passah naka North Liberty HSS kala jop da 21-9, 21-12 ïa ka Dabiang Sakani Lyngdoh na ka juh ka skul. Ha ka Under-15 (Double) ka Dabiang Sakani Lyngdoh bad ka Aureliana Estepang Passah kila jop da 21-9, 21-12 ïa ka Roviancy Neza Chullai bad ka Dana Angelika Phyllei na ka Che’s ster HSS.
Ha ka Uner 17 Girls (Single) ka Joselinadaia Passah kala jop da 21-10, 21-8 ia ka Dabiang Sakani lyngdoh kiba dei na ka skul na ka NLHSS. Ha ka Under-17 (Doubles) ka Joselinadaia Passah bad ka Aureliana Estepapang Passah kiba jop da 21-7, 21-10 ïa ka Aefa Dkhar bad ka Wandakani Suchiang na ka Che’s ster HSS.
Ha ka Under-17 Boys (Double) u Lechan Suchiang bad u Sunidabiang Langstang na ka Lamuroo SS Shangpung kila jop da 21-14, 21-16 ïa u Dathrang P. Shullai bad u Samewanbood Chullai na ka KJP HSS. Ha ka U-17 Boys (Single) u Dathrang P. Shullai ula jop da 21-14, 23-25, 22-20 ïa u Leminelson Suchiang.
Ïa ki khusnam sha ki nongjop la sam da u kongsan jong kane ka sngi ma Philanderwell Lyngdoh Waheh Chnong ka Chuwakhu ha ka jingdonlang ki nongkitkam ka West Jaiñtia District Badminton Association ki nonghikai skul nalor kiwei de. Na ka liang ka WJDBA, Jowai ka ai khublei ïa baroh ki Skul bad ki nonghikai Incharge kiba wan ban ïashim bynta sha kane ka 16th Inter School Badminton Championshi-2023.
