Nongstoiñ, Nailur 23: Ka ophis jong u Deputy Commissioner (Supply), ka pynbna paidbah sha baroh ki longïing kiba don hapoh ka Eastern West Khasi Hills District, Mairang ba la pyllait paidbah ïa u Khaw jong ka National Food Security Act 2013 jong u bnai Nailur 2023 lyngba ki dukan rashon.
Ïa u khaw hapoh jong ka NFSA 2013 PHH bad AAY la bthah ban sam kat kum ka scale ba la buh da ka sorkar, kata NFSA- PHH 5 kilo shi khlieh briew bad ym donkam ban siew pisa. AAY 35 kilo shi card bad ym donkam ban siew pisa. NON-NEFSA 205 kilo shi card ha ka dor 13 tyngka shi kilo.
Ym bit ban ai duna ne ot na ka bhah ba la buh ne mang da ka Sorkar ha kaba ïadei bad ka jingsam ïa uno uno u marbam ba la ai na ka NFSA bad Non NFSA. La bthah ruh ïa baroh ki FPS dealer ba kim dei ban pynduh khaw ïa kito ki nongbam, lada kim pat don ïa u Aadhaar Card bad ïa kito ki ba la pynjah ïa ki ration card jong ki.
Ïa ka bai kit bad bai kali ban pynpoi ïa kine ki marbam hapoh jong kitei ki lai tylli ki skhim, yn bei pisa da ka Sorkar sha ki Wholesaler ne Dealer kumba ju leh na ka por sha ka por. Lada lap ïa kino kino kiba pynkheiñ ïa kitei ki kyndon haneng yn pynshitom katkum ka aiñ. Lada don kano kano ka jingujor halor ka jingbym tikna ka jingsam ïa ki mar rashon.
Ki nongïoh bhah ki lah ban phah da ka jingthoh sha i District Grievance Redressal Officer & Addl. Deputy Commissioner (Supply), Eastern West Khasi Hills District, Mairang lane ha ka Complaiñt Box ba la buh hapoh Office jong U Deputy Commissioner (Supply).
