Khliehriat, Jymmang 20 : U Deputy Commissioner (Supply), East Jaiñtia Hills District, ha ka khubor ba u phah u pynbna paidbah ba la pyllait ia u Khaw rashon NFSA na ka bynta u bnai jymmang 2023 ha East Jaiñtia Hills District. Ia u Khaw AAY yn sam 35 kilo shiing shibnai khlem da donkam ban siew eiei (Free of Cost), ia u Khaw PHH yn sam 5 kilo shikhlieh shibnai khlem donkam ban siew eiei (Free Of Cost), katba ia u Khaw Non- NFSA pat yn sam 7.215 kilo shiing- shibnai haka ka dor die lang ka ba long T. 12.00/- tyngka shi kilo bad ka dor die khutia ka bym dei ban palat ia ka T 14.00/- tyngka shi kilo.
Kumta, la kyrpad ia ki paidbah ba lada ki lap ba ki FPS Dealer hapoh ki center ki shim da ka dor ia u Khaw ba don ia ka Card Ration AAY bad PHH lait noh ia ka Card Ration Non- NFSA kumba la bthah ne kdew haneng, ki dei ban wan ujor sha ophis u Deputy Commissioner (Supply), ka East Jaiñtia Hills District Khliehriat lane phone sha u Toll free No. 1697, lane sha u District Grievances Officer ka East Jaiñtia Hills District.
