Jowai, Nailar 12: U President ka Sieñraij Jowai ma Hercules Toi haba ai jingkren haka sngi pynhap pyrda ïa ka lympung ïalehkai Badminton bala tip kum ka ‘14th District Open Badminton Championship 2023’ kum u kongsan ula ong la donkam mynta ban pynmih pyrthei sa ïa ki thei ïalehkai Badminton napoh ka Ri-Lum Jaiñtia.
U ma Hercules ula ong kumba long mynta ka Ri-Lum Jaiñtia lyngba ki rangïalehkai Badminton kiba dei ki Pnar kiba kiew bha bad kiba la paw ha kino kino ki jingïakhun la ki dei ha District, State bad ha ka Ri hi baroh kawei, kiba la kynjop ïa ka kyrdan bad ki rangïalehkai kiba na bar.
Hynrei ula ong kaba sngewsih mynta ba ki thei ïalehkai ki long kiba duna bha shaba palat kiba wan ban ïashim bynta lada ïanujor ha kino kino ki jingïalehkai Badminton. Kynta u buh ka jingkyntu ïa ki nongpynïaid ka West Jaiñtia District Badminton Association, (WJDBA) Jowai ban kin phai khmat ïa kane ka bynta bad ban pynshlur noh ïa ki Thei ïalehkai Badminton ban kin mih noh shakhmat
Ïa kane ka ‘14th District Open Badminton Championship 2023’ la pynhap pyrda hynnin ka sngi Saitjaiñ ha Indoor Sports Hall ka Seiñ Raij Jowai kaba don ha Tpep-Pale Jowai da u kongsan bad ïa kane ka lympung ïalehkai Badminton la sdang ïaka naduh ka 1.9.2023 haduh ka hynnin ka sngi 9.9.2023, ha ki kyrdan ïalehkai ba kynthup ïa ka Women Single & Double, Men’s 35+, Men 50+, Men Single bad Double bad ka Mixed Double.
