Jowai, Nailur 11: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka Lah sngi U Blei kaba la pynïakhun ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Chutwakhu kala lah ban pynliem da 3-2 kol ïa ka Dongmihsngi, ïa ki kol na ka Chutwakhu la thep da u Roplin Ramut ar kol haka minit ba 5 & 65 bad kawei ka kol la kum thep bakla da u Sooki Lamare (own goal) haka minit ba 76.
Na ka liang Dongmihsngi la thep da u Ewanmida o Langstang haka minit ba 37 bad u Samha oo Ksoo haka minit ba 80.
La pyntip ba ka jingïakhun ‘Quarter Final’ jong kane ka lympung kan sdang naduh ka 13 tarik u Nailur, 2023 haka por 11 shiteng mynstep ha kaba ka kynhun Lion kan ïakhun pyrshah ïaka Iawmulong Nartiang.
Haka 14.09.2023 ka Shangpung Khliehmuchut pyrshah ïaka Khliehmynkrem. Haka 15.09.2023 ka Maitchaphrang Mootyrchiah pyrshah ïaka Chutwakhu. Katba haka 16.09.2023 ka Lumpariat pyrshah ïaka Mooknor Thadmuthlon.
