Kyntu ki Pulit ïa ki trai Hotel ban pyndait CCTV

0

Shillong, Jymmang 05 : Ka Tnad Meghalaya Police ka la pynlong ïa ka jingïasyllok bad ki trai Hotel ba kin pyndait noh da ki kor CCTV hapoh ki phyllaw jong ki hotel bad ban pynthikna ïa ka jingbuh jingthoh ïa ki nongwan sah ryngkat ka jingpynshisha lyngba ki ID.
Kane ka jingïasyllok ka dei kaba la khot pynlong da u SDPO ka Sadar Swapnil Pawar, IPS bad ki Trai bad Manager jong ki Hotel kiba hap hapoh ka Shillong Sadar Police Station.
Kane ka jingïalang ka la ïakren halor ki kam bymman, ka jingshngaiñ bad jingïada lem bad ka jingïai mih ki kam shukor lyngba ki kor internet.
Ki mat kiba la ïatai ki long halor ka jingpyndait ïa ki kor CCTV ha ki phyllaw jong ki hotel, ban buh jingthoh ïa ki briew ba wansah ryngkat ka jingpynshisha lyngba ki ID, ban ai jingtip lada don ki briew ba ishankhmat ne ki tiar, ki sienjam ban ïada bad kumno ban pyntip ïa ki kam thok kam shukor lyngba ki kor internet bad kiwei kiwei.
Ha kane kajuh ka sngi, ka Nongmensong Taxi and Driver Association kala pynlong ïa ka jingïalap pyrshah ïa u drok ha Nongmensong Dorbar Hall ha ka jingïadon lang u Bah M Marngar, MPS, DySP Traffic, Insp S Dasgupta, IC Rynjah ka Traffic Branch lem bad ki Dkhot ka Seng Longkmie, ki Dkhot ka FKJGP bad kiwei kiwei.
U M Marngar, ula kren halor ki jingktah jong u droks bad kumno ban ïakhun pyrshah ïa une u jingdih basniew. Hadien kane la pynlong pat ïa ka jingïasyllok ban weng ïa ka jingartatien ba kumno ban ïatreilang bad ki Pulit bad ban ïarap ha ka ban ïadon bynta lang ha ka jingïakhun ïa u droks.
Kumjuh ruh da ka jingthmu ban khanglad ïa ka jingdie kyiad sha ki Khynnah, ki Pulit ka Laitumkhrah hynnin ka miet ki la pynlong ia ka jingkhynra ha sawdong jong ka ïew Laitumkhrah bad ïoh kurup haduh 17500 ml ka kyaid IMFL.

Leave A Reply

Your email address will not be published.