Jowai, Naiwieng 06: Ka Hynñiewtrep Integrated Territorial Organization (HITO) West Jaiñtia Hills District ha ka 06 tarik u Naiwieng hapoh ka jingïalam u President, Agidius Satein lem bad ki katto katne ngut ki nongïalam jong ka Jaiñtia Hills District ryngkat bad ki nongïalam ka Jowai Circle Jaiñtia kila leit ban ïa kynduh bad ka Additional Deputy Commissioner jong ka West Jaiñtia ka kong HML. Kynta halor ka jingshah pynjulor ki lyngkha jong ki 5 shnong hapoh ka West Jaiñtia Hills ha u jingjur u slap ka lyer bad u phria kaba la jia hynnin ka sngi.
Ka seng kala dawa na ka sorkar ba kan ai jingïarap ïa ki lanot kiba mad ïa ka jingshah pynjulor u kba bad haka jingïakren jong ka seng bad ka Additional DC kala pyntip naka liang jong ka ophis ruh kin shim khia ïa kane bad mar sien ïoh ïaka report na BDO jong ka Block ban leh ïa kaba donkam.
Katkum ka jingïakren ka sorkar kan pynpoi ïa ki jingïarap ha kaba ïadei bad ki jinglutsan jong ki nongrep hapoh jong une u bnai, sa kawei ruh ha ka jingïakren jong ka seng bad ka Additional DC ka sorkar kan ai jingïarap katkum ka jingjulor jong ki mar rep mar riang.
