Jowai, Nailar 09: Ki bor pynïaid District jong ka West Jaiñtia Hills kila pyntip paidbah ba ka Kopili Hydro Power Station, Umrangso kan pyllait ïaka um na Khandong bad Umrong Dam namar ka jingkiew palat ka um naka jingbteng ka jinghap jong u slap.
La kyntu ïa ki nongshong shnong kiba sah ha ki bynta ba shajan jong ka wah Kopili ba kin long kiba husiar bad kiar na kaba leit shajan ka wah ha kum kine ki por, la kyntu ban pynjngai ïa ki jingri jong ki naka wah kum ka lad jingïada.
Ki bor District kila pyntip ba ka jingbun jong ka um kaba la pyllait sha ka wah Kopili, kham sharum jong ka wah Longku, ka Dima Hasao, ka long katkum ka jingdonkam ban pyllait ïa ka um na Lower Kopili Hydro Electric Project, APGCL.
