Kyntait u Ma Sniawbhalang ba don ka jingkynad hapoh ka seng ba ïehnohkam noh u Dr.Kharlukhi

Shillong, Nailar 24 : U National Vice President ka National People’s Party, Bah Sniawbhalang Dhar u la ong ba kum ka party ki bynnud halor ka jingresain noh jong u MP barim ka Rajya Sabha, Dr. WR Kharlukhi na ka party.
Haba kren bad ki lad pathai khubor, u Bah Sniawbhalang u la ong, “Hooid, mynta u la aiti ïa ka shithi iehnoh kam na ka party. Nga tip ïa kane na u President. Kum ka party bad kum u paralok, ngi la duh ïa u bad ngi sngewbynnud ïa ka jingiehnoh kam jong u. U khlem ong eiei shaphang ka daw jong ka jingiehnoh kam jong u, kumta ngin bynnud ïa u.”
Na ka liang u Bah Sniawbhalang mardor u la kyntait ban ong ba ka daw ka jingiehnoh kam jong u Dr. WR Kharlukhi ka dei na ka daw ka jingkynad ha ka party.
“Kam don kano kano ka jingïakynad hapoh ka party, bad ka jingiehnoh kam jong u Dr. WR Kharlukhi ruh kan ym ktah ïa ka party,” u la bynrap shuh shuh.
Ha kajuh ka por u la pynshai ba ha ka saiñpyrthei, ki briew ki wan bad ki mih na ki party. “Teng teng uwei u mih bad 100 ngut ki wan, bad teng teng 100 ngut ki mih bad uwei u wan. Ki seng saiñpyrthei ki ju pdiang ïa ki paralok kiba thymmai, katba don pat kiba mih noh. Hynrei kum u paralok, nga bynnud ïa u,” la bynrap biang u Bah Sniawbhalang.