Shillong, Jymmang 01: UPresident jong ka BJP, Meghalaya u Bah Ernest Mawrie ha ka sngi Nyngkong u la kyntait war ba ka don ka jingïakren bad ki MLA ka TMC na bynta ba kin wan pynïasnoh sha ka BJP.
Haba kren sha ki lad pathai khubor u Bah Ernest u la ong ba ka jingkam u National Excutive member ka BJP uba dei ruh u Myntri ka sorkar u Bah AL Hek ba ka don ka jingïakren bad ki MLA ka BJP ba kin wan pynïasnoh sha ka BJP u la ong ba lehse kan dei tang ka jingïakren shimet hi jong u Bah Hek ym satia jong ka party.
“Lada ki MLA ne mano mano ki kwah ban pynïasoh sha ka BJP ngi pdiang sngewbha kum ka party hynrei ki dei ban ïaid da ka lynti kaba dei kata ban ïakren bad ki nongïalam ha ka jylla ne bad ki nongïalam na Delhi,” ong u Bah Ernest.
“Hynrei kumba long mynta kata ka jingkam ba kin wan pynïasoh ki MLA ka AITC ngim don jingtip eiei ruh em,” u la bynrap.
