6 % kiew ka jiinglum khajna GST ka Meghalaya

0

Shillong, Jymmang 01 : Ka Meghalaya ka la sakhi ïa ka jingkiew haduh 6% ha ka jingïoh lum khajna na ka Goods & Service Tax (GST) bad ka jingïohlum ïa kane ka khajna ha u bnai Iaiong 2023 ka long T. 239 klur haba ïanujor bad ka T. 227 klur ba ïoh lum ha u Iaiong jong u snem ba la dep.
Ha kajuh ka por ïa ka khajna hapoh ka Ri, ka gross GST ba la ïoh lum ha u bnai Iaiong 2023 ka long T. 1,87,035 klur ha kaba ka CGST ka long T. 38,440 klur, ka SGST ka long T. 47,412 klur, IGST ka long T. 89,158 klur (kynthup ïa T. 34,972 klur ba ïoh lum na ki mar ba shalan na shabar) bad ka cess ba T. 12,025 klur (kynthup ïa T. 901 klur ba lum na ki mar ba wan shalan na shabar).
Ka Sorkar kala mang T. 45,864 klur sha ka CGST bad T. 37,959 klur sha ka SGST na ka IGST. Ka jingioh lum khajna baroh lang jong ka Sorkar Pdeng bad ka Jylla ha u bnai Iaiong 2023 hadien ba la dep phiah ka long T. 84,304 jong ka CGST bad T. 85,371 klur jong ka SGST.

Leave A Reply

Your email address will not be published.