Shillong, Kyllalyngkot 14 : Hapdeng ka jiangïaid lynti kaba kmen jan poi pynban sha ka jingsngewsih kthang hadien ba ka Bus ba ki Sister jongka Mariam Sodality na Dumnikura, South Garo Hilla ka la kylla katba ki dang wanphai na ka Jingïaseng Convention Mariam Sodality kaba 31 kaba long ha Damas, North Garo Hills. Ha kane ka jingjia 19 ngut ki Sister kiba shong ha katei ka bus ki la mynsaw jur.
Kane ka jingjia kylla ka bus ka la jia ha kapor janmiet jongka Sngi U Blei ha ka surok Nolbari Miapara kaba ha khappud Meghalaya bad Assam hynrei kane ka jingjia ka jia ha u pud ka Assam.
ïa kiba mynsaw la pynkit mar mar sha Mendipathar Primary Health Centre ban ïoh jingsumar kyrkieh katba ïa ki arngut pat la pynkit sha Goalpara, Assam.
