Nongstoiñ, Naiwieng 22: Shuwa ba ka elction ban jied ïa ki nongmihkhmat sha ka Khasi Hills Autonomous District Council kan long, ki don ki riew paitbah jong ki san tylli ki polling station kiba la pynpaw ka jingdwa ban pynphai ?a kitei ki san tylli ki polling station sha Nongstoiñ constituency. Kine ki dei kiba hap ha ka Mawthadraishan kynthup ïa ka Upper Laitkseh, Lower Lasitkseh, Langlew, Marngor bad Phyllut.
Ka jingdawa jong ki riew paitbah na ka sorkar, ka dei namar lada ha ka MDC Election ka hap kawei ka constituency bad ha ka MLA ka hap ha kawei pat ka constituency, ki paitbah ki shem jingeh haduh katta katta ha kiba bun ki liang, khamtam eh ha kaba ïadei bad ka jingpyntrei ïa ki skhim sorkar ha ki shnong ki thaw.
U bah Sherphulman Sohshang sordar barim ka shnong Marngor, haba ïakren bad u nongthoh khubor u la ong ba ki paitbah jong kitei ki san tylli ki polling station, ki la angnud haduh katta katta ba kitei ki polling staion ki dei ban hap lang ha Nongstoiñ kumba ka long ha ka MLA.
U la ong ruh ba la ar snem kynthih haduh mynta, bun bah ki skhim sorkar ba ki paitbah jong kitei ki shnong ki dei ban ïoh, kim shym poi thikna namar ba u MLA bad u MDC kim ïa dei ha la kajong ka jong ka constituency bad ki paitbah ki shem shitom bha ban ?akynduh ?a ki.
Wat ka jingpyntrei ïa ki skhim shispah sngi kaba dei ka pisa ba la mang kyrpang da ka sorkar pdeng ruh, kam da treikam bha shuh bad ka la shu long thohmut thohmat khlem ithuh ithaw, kumno la pyntreikam bad kumno ka sorkar ka siew bainong sha ki nongbylla.
U bah Sohshang u la ong ruh ba na ka liang ki paitbah, ki la kyntu ruh ïa u bah Gabriel Wahlang u MLA ka Nongstoiñ u ba dang dei ruh u MDC, u bah Shakliar Warjri MLA ka Mawthadraishan bad u bah Jambor War MDC ka Mawthadraishan, ba kin pyrkhat sani halor katei ka jingkwah jong ki paitbah jong kitei ki san tylli ki polling station kiba don haduh khyndai tylli ki shnong.
Lada kitei ki MLA bad ki MDC kin pynsngew sha ka sorkar ïa ka jingeh ki paitbah khlem artatien ka sorkar kan sngap bad kan leh ïa kaba donkam. Nalor kata la ïoh jingtip ruh ba ki katto katne tylli ki shnong kiba hap ha ka Mawlangsu area kum ka Nongriat, Nginïong, Mawlangsu, Nongbudum ha ka MDC Election, ki lah ban ngat noh ha ka Rambrai Jyrngam. Tangba haduh ba thoh ïa kane ka khubor ym pat lah ban pynthikna la ka lah ne em ban long kumta.
