Dei ban aiti mardor sha ka CBI ban ïoh jingbishar khuid halor ka jingjia ha Mukroh: JSU

Jowai, Naiwieng 22: Ka Jaiñtia Students’ Union (JSU) kala pynkynmaw sha baroh ka jaitbynriew Hynñiewtrep ba ym dei ban klet ïa kaei ba lah dep jia ha ka shnong Mukroh West Jaiñtia Hills Distroct ha u snem ba lah dep ba haduh 5 ngut ki mynsiem ba lui lui ki lah kyllon ïap u ktang suloi ki pulit Assam .
Ka seng ka pynpaw ruh ïa ka jingsngewlem sha kiba haïing ba hasem jong kito kiba lah khlad noh ha u kuli ki pulit Assam, ka seng ka pynkynmaw ba dei hadien ka jingdawa ka seng na u Myntri Rangbah ka jylla u Conrad K Sangma uba la wan ïuh kjat ha Mukroh ha u snem ba la dep ban dawa na u ban buh mardor ïa ka ktem pulit (Border Police Out Post) ha Mukroh ban ai jingïada ïaki paradoh parasnam kiba shong sha khappud ka jylla hynrei kane ka Oupost ruh kam pat biang than namar kadei ba dang shu sop da ki tin.
Na liang ka seng JSU ka dawa na u Myntri Rangbah ka jylla ba dei ban pynkloi noh ban aiti ïa kane ka jing jia ba la dep ha Mukroh sha ka CBI ban ïoh ka jingbishar kaba khuid bad ym dei shu ban pynslem namar lah jan don ar bnai myntam lah shu kut tang haka jingkular ban aiti shaka CBI hynrei ka sorkar ka dang pynsah teng haduh mynta.